 |
| Agricultural land Agreement format in urdu |
In the name of ALLAH, the most beneficent, the most
merciful
)اقرار
نامہ(
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ )فریق
اول(
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ )فریق
دوئم(
یہ کہ فریق دوئم ایک عدد اراضی برقبہ موضع
بسالی، چک بیلی خان، راولپنڈی کی مالکہ و قابضہ ہے۔ یہ اراضی فریق دوئم کو وراثت
میں منتقل ہوئی ہے۔ فریق دوئم نے اراضی مذکورہ کا قبضہ فریق اول کو درج ذیل شرائط
پر حوالے کیا ہے۔
۱۔ یہ کہ فریق اول مذکورہ اراضی کو زرعی
مقاصد/کاشتکاری کیلئے استعمال کرے گا۔ اس مقصد کیلئے اگر فریق اول ضرورت محسوس کرے
تو مناسب تعمیرات بھی اپنے خرچہ پر کر سکتا ہے۔
۲۔ یہ کہ فریق اول مذکورہ اراضی صرف اور صرف
زرعی مقاصد کیلئے استعمال کرے گا۔اگر اراضی کسی دیگر مقصد کیلئے استعمال کرنا مقصد
ہو تو فریق اول فریق دوئم کی تحریری اجازت لینے کا پابند ہوگا۔ نیز فریق اول
مذکورہ اراضی کو غیر قانونی مقصد کیلئے بھی ہرگز استعمال نہ کرے گا اور اگر ایسا
کرتا ہے تو فریق اول اس کا مکمل طور پر ذمہ دار ہوگا۔
۳۔ یہ کہ فریق اول کاشتکاری سے پیدا ہونے والی
فصل یا پھر اس کے منافع کا نصف حصہ فریق دوئم کو دینے کا پابند ہوگا۔
۴۔ یہ کہ معاہدہ ہذا کی میعاد عرصہ10سال مقرر کی
گئی ہے جو فریقین باہمی رضامندی سے قابل تجدید گی۔ اگرفریقین میں سے کوئی بھی فریق
معاہدہ ہذا کو ختم کرنا چاہے تو وہ دوسرے فریق کو
01سال قبل تحریر ی نوٹس دینے کا پابند ہوگا۔
۵۔ یہ کہ معاہدہ ہذا ختم ہونے پر فریق اول فریق
دوئم کو اراضی مذکورہ کا قبضہ واپس کرنے
کا پابند ہوگا۔
۶۔ مندرجہ بالا شرائط
کا فریقین بہر صورت پابند رہیں گے نیز معاہدہ ہذا کی شرائط کی پاسداری ہر دو
فریقین کے وارثان باز گشتگان، قائمقامان
پر بھی یکساء عائد ہوگی۔
لہذا اقرار نامہ ہذا فریقین نے باہمی
رضامندی و بقائمی ہو ش وحواس خمسہ و بلا
جبرو کراہ دیگرے و بلا ترغیب و
ترہیب دیگرے و برضا و رغبت خود سنداً لکھ
دیا ہے اور ہر دو فریقین نے اقرار نامہ
ہذا بغو ر پڑھ، سن و سمجھ کر قبولیت کے ثبوت میں اپنے اپنے دستخط روبروگواہان ذیل ثبت کیے ہیں۔ المرقوم
فریق اول ۔۔۔۔۔۔۔۔۔۔۔۔ فریق
دوئم ۔۔۔۔۔۔۔۔۔۔۔
گواہ نمبر1۔۔۔۔۔۔۔۔۔۔۔۔۔۔۔۔۔ گواہ
نمبر2۔۔۔۔۔۔۔۔۔۔۔۔۔۔۔۔۔
 |
| Download Agricultural land Agreement format in urdu |